სოციალურ ქსელში ვრცელდება ვიდეოკადრები, სადაც ჩანს რომ ახალგაზრდა კაცი სატვირთო მიკროავტობუსიდან დიდი რაოდენობით პლასტმასას ბოთლებს ყრის მდინარეში. ავტომობილს ქართული სახელმწიფო სანომრე ნიშანი აქვს, რომელიც კადრში იდენტიფიცირდება.

„კომერსანტი“ ამ ფაქტის კომენტარისთვის სსდ გარემოსდაცვითი ზედამხედველობის დეპარტამენტს დაუკავშირდა, სადაც  გვაცნობეს, რომ ვიდეოს საფუძველზე გარემოსდაცვით დეპარტამენტს დაწყებული აქვს საქმის წრმოება და გატარდება კანონით გათვალისწინებული ღონისძიებები.

საქართველოს კანონში გარემოსდაცვითი პასუხისმგებლობის შესახებ ვკითხულობთ, რომ  გარემოსდაცვითი ზიანის გამომწვევი ქმედებისათვის პირს დაეკისრება პასუხისმგებლობა სასამართლო გადაწყვეტილების კანონიერ ძალაში შესვლიდან 60 კალენდარული დღის ვადაში. 

1. გარემოზე ზიანის მიყენებაზე პასუხისმგებელი პირი ვალდებულია:

ა) გარემოზე მიყენებული ზიანის შესახებ დაუყოვნებლივ შეატყობინოს დეპარტამენტს სამინისტროს ცხელი ხაზის მეშვეობით და მიაწოდოს შესაბამისი ინფორმაცია;

ბ) განახორციელოს საჭირო ღონისძიებები გარემოზე მიყენებული ზიანის შემდგომი გავრცელების თავიდან ასაცილებლად ან/და შესარბილებლად;

გ) განახორციელოს გამასწორებელი ღონისძიებები ამ კანონის მე-7 მუხლის შესაბამისად;

დ) საკუთარი ხარჯებით და პასუხისმგებლობით განახორციელოს დეპარტამენტის მიერ დადგენილი პრევენციული და გამასწორებელი ღონისძიებები;

ე) აანაზღაუროს გარემოს დაზიანების შეფასების, მონიტორინგის, ზედამხედველობისა და დეპარტამენტის მიერ გაწეული სხვა ადმინისტრაციული ხარჯები. ვ) გამასწორებელი ღონისძიებების დადგენილი წესით დამტკიცებიდან 30 კალენდარული დღის ვადაში ფონდში ჩარიცხოს თანხა გამასწორებელი ღონისძიებების ხარჯთაღრიცხვით განსაზღვრული ღონისძიებების საერთო ღირებულების 5%-ის ოდენობით.

2. დეპარტამენტი უფლებამოსილია, ზიანის მიყენებაზე პასუხისმგებელ პირს:

ა) მოსთხოვოს ინფორმაცია გარემოზე მიყენებული ზიანის შესახებ; პროექტი 5 ბ) მოსთხოვოს ამ მუხლის პირველი პუნქტის

„ბ“ ქვეპუნქტით გათვალისწინებული ღონისძიებების განხორციელება ან/და განუსაზღვროს სავალდებულოდ შესასრულებელი ღონისძიებები;

გ) მოსთხოვოს აუცილებელი გამასწორებელი ღონისძიებების განხორციელება ამ კანონის მე-7 მუხლის შესაბამისად